絲絲講場：滙豐出動機械人冧客

答查詢兼同客玩自拍

真係估都估唔到，原來呢位新同事竟然係智能機械人Pepper，係全美首間引入智能機械人嘅銀行。Pepper有齊「眼耳口鼻」，心口仲有一個顯示屏，識得自己主動招呼客人，同埋解答客人嘅疑難，確實相當盞鬼！

話說絲絲每次去銀行存錢，最怕唔係要「排長龍」，而係經常被一班分行職員圍住你不停Sell按揭計劃，或者其他兌換外幣新優惠。相反Pepper反而識得人情世故，為咗唔想悶親班客，識得同你玩「自拍」，務求氹到大家貼貼服服。

英國《金融時報》就用「玩嘢方式」讚呢個機械人，話佢勝在唔會做偷步外匯交易或者銷售按揭支持債券，亦唔會識得幫客戶逃稅！

講開又講，如果香港滙豐引入Pepper，虛擬客戶服務員Amy咪有伴囉！

余絲韻