絲絲講場：滙控范寧會高層着牛記講Talk
滙豐控股（00005）策略日後，本周三及周四新波士范寧係獅子行嘅發源地—香港，舉辦環球領導層會議，與會者包括400名高層，除咗討論集團發展大計，仲參觀埋滙豐前海證券、珠江三角洲，以及香港國際貨櫃碼頭。
范寧今次演講時身穿牛仔褲，雖然一身Smart Casual打扮，但無損佢溫文爾雅嘅形象呀！
首份Job獻畀尖東分行
話時話，范寧同香港都真係幾有淵源，當年加入集團後，佢做第一份Job嘅分行就位處香港尖東，會上佢更分享早年擔任過國際業務主任嘅經驗。
佢話，滙豐扎根香港多年，策略同文化與香港一脈相承，所以香港亦順理成章成為集團業務及策略嘅重心。
余絲韻