嘉信理財調查指，香港新進富裕階層投資目標較進取，亦深明投資海外以分散投資風險，但又會猶豫不決，未能踏出第一步，原來背後理由係信唔過理財顧問！
調查總共訪問咗2,000名香港同美國嘅新進富裕階層，其中香港嘅新進富裕階層係指每年收入介乎60萬至120萬元，仲擁有60萬至500萬元個人流動資產嘅人士。
結果顯示，有近80%香港受訪者希望透過環球投資建立多元化投資組合，而香港新進富裕階層較美國嘅對學習環球分散投資更有強烈意願，不過香港新進富裕階層對踏出投資海外第一步仲係猶豫不決。原來喺過往未曾使用理財顧問服務嘅受訪者中，近六成話唔知點先搵到可信嘅理財顧問同有關資訊喎。
嘉信理財香港董事總經理方碩穩話，香港投資者更願意放眼全球分散投資，但對理財顧問嘅不信任，係對香港理財顧問嘅一大警號，佢認為理財顧問應注重與客戶建立信任。
余絲韻