Market Insight：汽車股要靠實力取勝

不過，古勝早前已分析，全面放寬車企外資持股限制係五年後的事，加上現時已有唔少外資車廠同內地車廠合作產銷傳統汽車，外資要獨資建廠產銷，有不少顧慮，不是三、五年可見到的。至於好可能首先放寬的新能源汽車外資持股，老實講，內地新能源汽車業需要有具技術和資本的大車企參與，才能在競爭中成長，本地車企憑實力取勝，市場百花齊放，行業發展同消費者都得益。

中升受惠程度較大

的而且確，關稅下降將增加本土車企的競爭，但相信受影響的集中在中高檔車款，而外國品牌中高檔車降價料可帶動消費，最受惠的當然係汽車經銷商。目前汽車經銷股估值普遍合理，不妨從中揀選實力股作中長線持有。

見到中升控股（00881）股價表現明顯強於同業，皆因公司目前代理的品牌組合涵蓋外資中高檔車品牌，相信未來受惠關稅下降的程度亦較大。

藍籌科網股大升浪已完結，走勢由強轉弱浸浸落，芬佬同散戶都黯然神傷！龍頭股騰訊控股（00700）喺470元樓上做咗過雙頂之後就反覆回落，南非大股東Naspers大手減持套現是導火線，405元由支持變阻力、繼而是400元心理關口失守，昨日又落過393.6元。

即使傳來騰訊音樂擬年內赴美上市，又再分拆金蛋，但都無助股價表現，可見呢期股王真係風光不再。短線若確認失守390元關，下一站要睇370元，如果參考番一六年下半年的整浪，250天線是重要防守，現時在357元水平，散戶可以之作為最後防守線參考。

手機股難再有期望

除咗股王，大小戶皆捧場的手機股都全線「大飲茶」。市場憂慮iPhone銷情，手機股大勢已去，沽壓難消。舜宇光學（02382）昨日急跌6.8%，收報132.7元，瑞聲科技（02018）跌1.9%，報119元，富智康（02038）再創52周新低見1.3元，收報1.34元。

舜宇已形成一浪低於一浪的形態，即使反彈亦唔好有太大期望，上唔番150元可考慮加沽。瑞聲走勢就仲差啲，已第二日收喺250天線樓下，乃一六年以來表現最差。畀人掟到咁，睇嚟真係有大戶要錢唔要貨，初步睇下一個支持位喺110元，超賣下的反彈係可以期待，但上唔番130元樓上的話，睇怕整固需時。有諗過長期作戰的話，就睇睇有冇機會走轉短線拉上補下。

古勝