增設英文試畀外籍高管
中國證券投資基金業協會出公告，下個月開始，外商獨資或合資私募證券投資基金管理人嘅外籍高級管理人員，將可參加英文語種嘅基金從業資格考試。
基金呢行喺內地嘅規模達2.6萬億元人民幣，不知幾多外資行吼住。之但係內地基金從業員資格考試以往只得中文，唔識中文嘅，Sorry，此路不通，搞到啲外資行要周圍鬥搶有限嘅曉中文人才。
雖則開設英文考試，但合規/風控負責人仍必須報考中文語種嘅基金從業資格考試。嗱你雙語都掂，仲唔係你？
四月十二日已開始接受報名，第一場英文試於五月四日喺北京舉行。仲等乜？
余絲韻