絲絲講場：耀才盈喜 預祝主席牛一
耀才證券（01428）周一發盈喜，預計一八年三月底止年度全年賺5.18億元，年增一倍。尋日公司全體員工仲為主席葉茂林搞生日Party，可謂雙喜臨門。
員工咁有心為葉主席慶祝生日，公司行政總裁許繹彬同高級顧問黃健財仲獻花束，兼送上滿載全體員工心意嘅生日卡，葉主席又開心又感動，佢今年嘅生日願望係「冀生意蒸蒸日上，年尾又派大花紅」。
雖然估計港股今年會較為波動，又受貿易戰等政治因素困擾，下半年仲要面對美國加息及落實稅改令撤資風險增加，不過葉主席話有危就有機，會「審時度勢，以攻代守」，繼續拓展業務新版圖，將戰線擴至內地省市咁話。
余絲韻