絲絲講場：三八婦女節 卡公司「紫」敬
昨日係一年一度嘅「三八」國際婦女節，Visa就搞咗一連串活動慶祝節日，包括全體員工齊齊着紫色衫，每位女同事仲會收到一朵紫色嘅花。Visa解釋，紫色係象徵女性嘅顏色，代表着正義和尊嚴。Visa香港及澳門地區總經理戴嘉倩將會帶頭做瑜伽，以平衡女士嘅工作及家庭生活。
世界經濟論壇就指出，一七年全球性別差距在十年來首次擴大，按照目前嘅速度，職場男女平等要去到二二三四年先會出現。
便利女性創業 港排16
另方面，萬事達卡發表「Mastercard女性創業家指數」調查報告，指出性別歧視係限制世界各地女性企業家發展嘅主要原因。生活在高收入經濟體嘅女性雖然較易獲得如資金和培訓等有利創業嘅資源，然而，她們卻往往被邊緣化或因不被社會包容而感到氣餒。
報告研究全球邊度最有利女性創業家發展。於57個地區中，香港排名第16位；單計亞太區，香港排第4位，較去年增0.7分至65.8分，落後於新加坡、菲律賓及泰國。
余絲韻