絲絲講場：恒生水哥馬拉松跑到入U
恒生銀行（00011）傳訊及可持續發展總監張樹槐（水哥）唔單止識「跑數」，跑馬拉松都一樣咁掂，喺金融界入面就人盡皆知啦，佢最近仲殺出金融圈，去到中文大學同中大師生分享馬拉松感悟。
啟發年輕人挑戰自我
自二○○二年起於五大洲完成咗六十七個馬拉松嘅水哥，就索性以「由67個馬拉松說起」為題，與師生分享長跑人生嘅感悟。
其實水哥早前就出過一本書《跑出一片天》，講佢自己嘅成長經歷同十五年嘅馬拉松感悟，之後曾應邀到樹仁大學、香港管理專業協會、誠品書店、基督徒會計師團契、恒生銀行基督徒團契等分享長跑得着及對人生嘅睇法，期望可以啟發年輕人及各界挑戰自我。聽到都覺得充滿正能量啊！
余絲韻