恒指在競價市段衝上全日及歷史高位32,930點收市，升537點，國指升285點收報13,490點，主板成交達1,979億元，再創今浪新高。
自恒指破31,958點之後，恒指每升一日都在改寫歷史。無疑即使如筆者般睇好後市，眼見升市如此張狂，指數14日RSI高見88水平，難免都有高處不勝寒之感。
當然，升得多、超買唔代表後市要跌，做淡理據並不充分，期指客要謹記順勢而行。上周開始把好倉入市規模縮減一半水平，加上滾存利潤，手上好倉有充足緩衝，基本上坐得安心。現水平大家選擇減磅食胡無可厚非，但連些少轉勢迹象都未有，實在無謂估頂。
John Mullen