絲絲講場：領展搞手機支付關燒餅事

王國龍受杭州店家啟發

話說王國龍有次去杭州西湖想買燒餅食，點知店家同佢講只收電子支付。嘩唔係嘛？好彩王國龍都有電子支付帳戶，否則就要好浪漫咁喺西湖邊食風。嗰一刻佢即覺，喺用手機APP畀錢方面，香港落後內地好多。

雖然領展個APP嘅付款功能，暫時只可以喺6個停車場用，但佢哋希望兩年內推廣到30個停車場。

希望本港用量睇齊國際

據研究機構Statista估計，一五至一九年全球電子支付使用量，每年增長逾40%，又估計到二一年香港將有200萬人使用手機電子支付，即係仍不足本地人口嘅三分之一！希望香港喺呢方面可以同國際水準睇齊啦。

領展上年十一月一次過出售17個商場，交易於下月尾完成，物業總額230億元，但王國龍話，若扣除上年集團購買的物業等支出後，實際可用餘額約30億元，將用喺回購領展基金單位、減少債務或再買其他物業。

余絲韻