薪酬可以話係反映你喺公司有幾高價值。外國僱員薪酬數據庫PayScale報告發現，三分之二領取「市價」嘅打工仔以為自己收少咗，35%「高於市價」嘅又誤以為其他人同自己一樣收咁多！絲絲醒你以下10點去檢視自己係咪人工偏低。農曆年尾就到，覺得唔對路就係時候……你懂的！
上網搵招聘廣告就知你人工高於或低於行業「正常水平」。上網Click一Click，唔使再忐忑。
喺上市公司打工嘅，睇業績報告或財經新聞即知公司營運表現。私人公司？咁惟有靠你自己喺公司套料。若公司勁賺，但加薪冇你份，明啦！
專家經常忠告職場新人，第一份工唔好睇得薪金太重。但若第一份工薪金超低，唔使奢望短時間可追上其他人。
人工向來係同事間「不能說的秘密」，想知同行薪酬，可借助跨公司活動識啲新朋友收料。
能力愈大，責任愈大，薪金銀碼亦理應愈大。升職加薪是常識吧！
花紅唔一定人人有，但點解多數人有，偏偏你冇？係時候自己諗諗。
市場供求決定商品價格，職場亦係。你喺公司有冇其他人唔識得你曉嘅絕技？
經濟唔算差，但你超過一年冇加人工，有理由相信你喺公司嘅價值……
機會要自己爭取，有研究指出，如果入職時冇就薪酬討價還價，整個職業生涯嘅薪酬損失可能達到幾百萬元！
老闆經常避談你嘅就業前景，佢好可能根本無視你嘅存在。你仲等？
余絲韻