不經不覺，油價已衝破60美元大關，連帶金價都突破1,300美元。從中可反映兩件事，一是中國已基本完成去槓桿及去產能問題，基建及「一帶一路」對商品需求上升；二是今年通脹應加快來臨，利率正常化會比預期快。
目前對商品需求暫只會影響生產物價上，但好快就會因產品加價而影響CPI。其實元旦日起，香港多項消費都見加價壓力，連本地郵費都加17.6%。相信今年通脹升幅比預期快，加息步伐亦會加快。
股市有強勁業績支持，足可抵銷加息的壓力。不過，一些對息口敏感的資產就會受到壓力，例如物業市場以至虛擬貨幣等，加息會增加其持有成本，資金會轉移至股市，尤其是銀行股。大型銀行料會更加受惠，滙豐控股（00005）亦由谷底翻身，上望100元。
銀行股在恒指及國指都佔最大比重，銀行業表現理想，必會支持恒生指數，再加上成交上升，H股全流通，同股不同權新例都相當利好港交所（00388）。
有銀行股及港交所兩大支柱下，港股今年內創歷史新高只係時間問題。
不過，強勢市場好多時候會出現所謂超買信號，而好多投資者就中咗「超買降頭」，以為超買就好快會回吐，或延遲入市，或做淡市場。但凡強勢市，必定是成交同升幅都較平常幅度為大，咁就自然就容易出現所謂超買情況，如果就以這作入市參考，根據過往紀錄，贏面只有五成，咁同擲骰仔玩大細無分別，所以我有點唔明白為何咁多分析師喜歡經常將超買超賣掛在口邊，這個信號完全無參考性。
由任職國際大行到創業揸莊，經歷無數金融巨浪，以識見捕捉趨勢，博高Fund，也要有Fun。
作者：微子