近年樂壇出現唔少唱作歌手，自己一手一腳炮製歌曲畀自己獻唱，的確係更能夠發揮歌曲嘅神髓。不過對於觀眾嚟講可能仲未足夠，如果唱作嘅係女歌手，而且仲要係性感火辣就更加吸引！喺日本有一位，佢就係被稱為「最剝清光唱作歌手」嘅藤田惠名。
每年都有好多樂壇頒獎典禮，不過公眾嘅關注度愈來愈低，原因之一當然係屬於小圈子選舉，獎項嘅認受性唔高啦！另一個原因可能係大家對入圍嘅歌手同歌曲唔多認識，甚至連得獎歌曲嘅歌名都講唔出，至於歌手們個名，唔好意思，我都唔係幾識。雖然小弟對本地樂壇支持度不足，但係對日本樂壇就愈來愈留意，因為當中有好多女歌手都火辣誘人，例如藤田惠名就係其中之一。
今年27歲嘅藤田惠名生得五官標致，面上散發出濃濃嘅青春少女氣息，笑起上嚟天真可愛，但係眼波銷魂姣味顯露，認真撩動男人心。阿妹令人流晒口水嘅仲有一副火辣胴體，凹凸有致兼帶健美感，胸前一對純天然F奶質感軟綿卻彈性十足，絕對係品質上佳嘅一級好波，惠名就係靠晒佢爭取人氣喇！
藤田惠名喺2006年開始展開創作歌手生涯，其創作歌曲《因為Smile~Heart to Heart~》更成為福岡天神閣大樓嘅主題歌曲。及後惠名成為舞蹈團體「Clean Crew」成員之一，令演藝事業更上一層樓。除咗唱歌之外，惠名不時參與演出電視節目，亦有拍電影，包括2016年演出《Evil Idol Song》，上年則主演過一部叫做《吸血的粘土》嘅網絡電影。不過，對於好多男人嚟講，留意惠名可能係因為泳裝選美活動，惠名歷來參加過唔少選美，而且成績理想，喺「Miss東京Sports 2014」中贏得冠軍，而喺「MissID 2017」亦得到投票冠軍，並且憑燦爛笑容奪得最佳笑容獎，足見阿妹實力強勁。
雖然家陣見到惠名成日都笑容滿面，但係佢有一段時間唔係幾開心，因為幾年前其歌唱事業發展欠佳，所以只好拍水着寫真搵食，後來知道性感演出至能夠吸客，故喺登台獻唱時以比堅尼上陣，因此被稱為「比堅尼歌手」以及「最剝清光唱作歌手」，惠名曾經表示諗起都有少少想喊，不過現時已經接受咗呢個現實，依然會繼續笑住咁行呢條性感路線。
簡介：藤田惠名百足咁多爪，所以特設個人網頁發布最新消息同寫真相片，大家Click入去就可以睇到惠名嘅最新MV啦！
網址：https://www.fujitaena.com/
年齡：27歲
身高：5呎3吋
三圍：35F-24-35
撰文：賢