期指高位31,958點，比現貨率先平咗○七年歷史高位，主板成交1,646億元。今浪跨年大牛市，港股勁到連跌多日都唔肯，買家惡過鬼，恒指改寫歷史新高應是指日可待。
筆者於本欄一直維持只買不沽，也冷不防比周一市況呃到，直到昨日中盤確認現貨守得住31,650點，才再追回好倉。
港股已經進入新一輪大時代，作為期指炒家，順勢而行，只做單邊，相對上心理壓力比較輕鬆，假如見周一恒指高開低收，認叻急急做反手，昨午後一挾，淡友們經已退無可退。
所謂升市莫估頂，周一的調整形態證明虛驚一場，又回到即市逢低做好策略，論走勢，今日港股攻頂機會極高，好友們可以坐享其成。
John Mullen