碧桂園（02007）舊年全年售樓收入5,508億人仔，砌低萬科企業（02202）同中國恒大（03333）成為賣樓王，刺激公司股價今年五個交易日累升17%。
碧桂園做賣樓王，帶旺集團副主席、控股股東楊惠妍持股市值喺今年五個交易日漲逾310億港元，單憑父幹就坐穩中國女首富寶座。
今年36歲嘅楊惠妍，爸爸楊國強喺○五年轉讓碧桂園嘅控股權益畀佢，自始成為中國女富豪榜嘅常客。楊小姐嘅持股市值直至尋日有275億美元，佢除咗係內地女首富外，全國富豪榜亦排第五。
余絲韻