絲絲講場：洪丕正靠唐老鴨學識理財
Marvel英雄系列同迪士尼一向多擁躉，早前渣打香港推出Marvel及迪士尼主題一系列產品，帶動新客戶增長近四成，當中「MARVEL ATM卡」反應最熱烈，推出首三個月已發出超過3.6萬張新卡，渣打見反應咁熱烈，順勢推出「渣打迪士尼存款卡」及「渣打迪士尼ATM卡」。
細個時擁鴨仔錢罌
渣打今輪推出迪士尼ATM卡，申請者只要符合相關要求，就可獲贈限量版史高治叔叔錢罌及限量版唐老鴨錢罌一個。
千祈唔好睇小呢個細細錢罌仔，當年渣打喺60年代推出過限量版唐老鴨錢罌，現任渣打大中華及北亞地區行政總裁洪丕正話，當年佢細個時都擁有一個唐老鴨錢罌，又講過唐老鴨教曉佢理財同Banking技巧添！
早前迪士尼成功高價收購21世紀霍士（21st Century Fox），霍士旗下Marvel英雄會唔會回歸迪士尼仲係言之尚早，不過計絲絲話，迪士尼同Marvel粉絲一於集齊幾張唔同款渣打ATM卡珍藏，話唔定可以趁機養成儲蓄嘅好習慣。
余絲韻