絲絲講場：溫兆華出山做深高速獨董

招商證券（香港）前首席執行官溫兆華（Wilson）重出江湖，一八年起出任深圳高速公路（00548）獨立非執行董事，係佢退下火線之後第一個上市公司獨董職位。原來佢哋早有淵源，Wilson當年就係幫深高速成功併購內地基建。

資深銀行家Wilson多年以來促成咗好多收購同合併項目，佢話今次出任深高速獨董，就係緣起當年做緊工銀亞洲時，曾經協助深高速搞併購，首次通過收購海外股權，成功取得內地公路權益，仲形容當時情境歷歷在目，睇嚟佢而家「再續前緣」應該覺得好開心。

余絲韻