絲絲講場：500富豪年賺萬億美元

股市過去一年氣勢如虹，相信好多人都有賺，一眾富豪身家更加係水漲船高。據彭博億萬富豪指數資料，截至周二收市止，榜上500名富豪身家一年來勁漲合共近1萬億美元（約7.8萬億港元），增幅較去年多逾三倍，亦即平均每日增27億美元，總身家升至5.3萬億美元。

亞馬遜股價上揚，帶挈創辦人貝索斯身家過去一年大增342億美元（約2,668億港元），係榜內最勁。今年十月，貝索斯打低微軟創辦人蓋茨成為全球首富，部分原因係蓋茨定期捐出巨額身家做慈善；今年十一月底時，貝索斯身家一度突破1,000億美元，現時仍達約996億美元，蓋茨則為913億美元。

中國恒大（03333）創辦人許家印都「唔輸蝕」，過去一年身家跳升3.5倍，或259億美元，以美元計係榜內第二勁。Facebook（Fb）創辦人朱克伯格過去一年身家增45%，或226億美元，係榜內第四勁，佢同樣計劃捐出大部分身家。

去一年身家合共增3,150億美元或18%，至兩萬億美元，中國則有38名富豪上榜。

余絲韻