絲絲講場：華為豪派花紅普通員工拎百萬

「錢給多了，不是人才也變人才」

華為從來都唔論資排輩，只要有貢獻，普通員工都可以拎到相當於高級員工嘅獎金。粗略估計，華為高級員工今年季度獎金都接近一百萬人仔！而據了解，華為對待員工宗旨係只重貢獻，獎金上不封頂，而且唔會拖欠！

唔通華為今年手機大賣賺好多，所以獎金先咁重手？其實係公司為咗鼓勵員工奮鬥，所以整理出一套有效、合理嘅激勵體制，畀奮鬥嘅人得到回報，而唔係空談夢想。

華為創辦人任正非仲話︰「甚麼是人才，我看最典型的華為人都不是人才，錢給多了，不是人才也變成了人才。」

原來任總意思係華為用人「英雄不問出處，貢獻必有回報」，要求員工交業績畀公司，公司保障員工嘅收入，咁先係「公平交易」吖嘛！任總自言家陣最高興嘅係公司戰略方向跟佢所想嘅一致，短期內成唔成功並唔重要，公司和員工走到同一條路上，最後一定會成功，只係時間問題。

余絲韻