人在職場，人情世故一定要識，呢樣唔掂，就算你幾能幹幾勤奮，都可以同「升職加薪」無緣。以下8個行為，絕對會搞衰自己「仕途」，免得就免。
乜都你做晒並非好現象，最終辛苦自己，絕對係搵自己笨，人家唔會欣賞你，反而「豬頭骨」就一定留畀你。
做事集中認真係好事，但唔好全天候太Cool，適當時候亦要鬆一鬆，笑吓，甚至搞吓爛Gag。畀人覺得你做事認真得嚟又有友善一面，咁先能夠發揮團隊精神。
打工擦吓上司鞋有幾稀奇？但切忌只記得上司，而唔記得讚吓身邊啲同事，事關你更多時間係與同事合作！
現今社會講求團隊合作，做「獨行俠」未必Work，每家企業都有其辦公室文化，你只有適應，而唔係去改變佢，除非你係話事人。
講多過做，同事梗唔妥你；唔講嘢，同事又會覺得你唔融入團隊。每日返工要適當時候搵水吹，但要識平衡。
唔好以為係尚方寶劍，事關一齊做嘢嘅始終係同事，如果咩都搵大佬出面，就算件事擺平，之後嘅日子恐怕大家亦難堪。
有時一啲小習慣可能唔自知惹人討厭，例如食香口膠、掛住篤手機、冇問過人就喺同事枱搵嘢攞嘢等。所以，唔該留意吓人家嘅反應，留番喺屋企先好自我中心。
爭取表現，人之常情，但最差係以踩人去抬高自己。無論你自以為幾叻幾無敵，始終都要同人合作，而且無嘢係你叻晒嘅，要懂得收斂與尊重他人，呢啲其實係做人嘅基本。
余絲韻