想成為一位令男士為之傾倒嘅女神，樣靚固然係必然嘅條件，火辣身材同樣唔可以缺少。嚟自南韓嘅模特兒李子敏，就有齊晒以上條件，縱然模特兒界有唔少優質美人兒，但係佢仍能突圍而出，足證佢嘅魅力有幾咁迷人。
來自南韓海邊城市蔚山廣域市嘅李子敏，天生一張迷人俏臉，尤其係一對電力十足嘅眼睛，稱佢做人肉發電機一啲都唔過分。雖然如此，但係佢一直冇諗過成為模特兒，理由竟然係佢覺得自己嘅身材唔係咁吸引。原來喺佢眼中，要成為一位模特兒唔單止要樣靚，火辣身材亦唔少得。當年尚年輕嘅佢，眼見身邊嘅女性朋友個個身材都發育得相當好，睇番自己卻冇乜睇頭，因此從未萌生成為模特兒嘅念頭。
不過將來嘅事好難預料，隨住成長，佢嘅身材大幅發育，尤其係上圍變得相當豐滿，之後透過從事模特兒嘅朋友介紹，開始兼職攝影模特兒工作。出眾嘅外形令佢好快成為攝影師爭相約拍嘅對象，而佢亦開始對模特兒呢行產生興趣，不過家人卻認為模特兒並非長遠嘅事業，因此要佢完成埋大學學業後，先再決定未來嘅路向。其實佢早已有咗答案，因此大學畢業後，即2009年佢就同模特兒事務所簽約，從此展開職業模特兒生涯。經過一年嘅磨練，佢以車模身份喺大邱舉辦嘅車展中登場，憑住美艷嘅樣貌加上養眼嘅上圍，成功成為展場上最矚目嘅焦點，令人氣急升。
處女登場獲得極好反應，事務所便為佢安排更多大型演出工作，先後喺釜山及首爾車展上擔任汽車品牌嘅站台模特兒，更化身成動漫女郎喺大型電玩展上登場，直到2011年，佢終於喺首爾舉辦嘅超級跑車賽以火辣賽車女郎身份示人，雖然佢較遲喺賽車女郎界發展，但唔代表人氣唔高，事實上當佢首次喺賽車場亮相時，便成為大家嘅焦點，索樣加激凸上圍固然係原因之一，而佢穿上貼身賽車女郎制服後，大家發現原來佢擁有令男士為之着迷嘅渾圓美股。李子敏表示喺忙於工作嘅同時，亦不忘忙去健身，而佢每次總會集中鍛煉臀部，因此練就出既渾圓又富有彈性嘅美股，真正稱得前凸後趷，成為男士們心目中嘅女神。
不過喺業界號稱女神嘅囡囡有好多，想證明個人實力最好嘅方法，莫過於參加模特兒大賽，因此佢喺2015年參加第4屆南韓賽車模特兒比賽，有超過6年經驗嘅佢，面對呢種賽事絕對係游刃有餘，加上無比嘅魅力，結果得到專業攝影師一致好評，奪得最佳攝影精英獎。獲獎後，佢繼續留喺模特兒界發展，而且比之前更加努力，好似早前喺車展上，佢便以車展代言模特兒身份登場，絕對係實力嘅最好證明。
簡介：李子敏樣貌究竟有幾迷人呢？有同佢合作過嘅攝影師表示，佢五官分明，比例啱啱好，無論從邊個角度拍攝都咁完美，配合埋火辣身材，試問點可能唔係女神級模特兒呢？如果大家想了解佢多啲，就要Click入呢個網站喇！
網址：http://cafe.daum.net/Leejimin
出生地：蔚山廣域市
身高：172cm
三圍：34、24、36
撰文：魂