絲絲講場：砌低「三叔」贏埋華為國產手機王平霸非洲
現時全球手機銷量第一嘅係南韓三星，但若淨計非洲呢？據國際調查機構IDC最新統計，一家深圳手機生產商今年上半年喺當地手機銷量砌低咗「三叔」，雄霸非洲。華為？No喎。
傳音半年賣逾5千萬部
係傳音控股，佢哋半年就喺非洲賣出逾5,000萬部手機，當中主要係佢哋部有撳得Keypad嘅itel手機，同埋約1,100萬部TECNO同Infinix智能手機。
贏喺邊？首先勝在平，10美元有交易，即係唔使80蚊港紙有一部，智能手機亦係800蚊港紙都唔使！其次係配合當地口味，包括有多個SIM卡插槽、Speaker加強低音、拍攝軟件改良到能更出色地捕捉深膚色！
余絲韻