絲絲講場：Fb跟風搞發紅包？
Facebook學微信搞發紅包？科技網誌The Next Web（TNW）嘅社交媒體主編Matt Navarra（@MattNavarra）最近喺Twitter度話，Fb測試緊紅包功能！
仲話Fb用戶可自定紅包金額，由1到20美元（約7.8至156港元）不等，向Friend發紅包時，仲可以加埋訊息同埋主題圖案。相比下，Fb紅包嘅最高限額少過微信嘅200元人民幣。
點解Fb要推紅包功能？分析認為，Fb一方面可能想推進P2P（個人對個人）支付服務，另一方面可能係為咗支持佢哋八月上線嘅Marketplace業務，等啲零售商同二手物品賣家更方便交易。
咁搞發紅包呢件事係真唔係？Fb官方發言人既冇認，亦冇否認喎。又睇吓點。
余絲韻