曾因洗黑錢及詐騙而入獄嘅「華爾街狼人」Jordan Belfort（即係里奧勒度狄卡比奧扮演嗰位）最近話：「ICO係史上最大騙局，個鑊爆硬，比我做過嘅嘢更差劣！」ICO（Initial Coin Offering）者，虛擬貨幣首次募集發行也。數據顯示，年初至今有202宗ICO，集資共超過30億美元。
狼人叫親戚朋友咪掂ICO，「當中85%人可能冇立壞心腸，但問題係，只要有5至10%嘅人諗住滾你，就已經好大鑊！」佢話手法同窩爐騙案一樣，先宣傳煲大佢，再搵名人講兩嘴搞「名人效應」，然後大批推出市場，務求爆煲前搵人接晒貨。
余絲韻