絲絲講場：馬斯克研新AI系統 知你想去邊
Tesla（特斯拉）車嘅新AI（人工智能）系統，閣下一上車架車就知你想去邊！係公司舵手馬斯克早兩日喺Twitter上爆料講嘅，最快今年底前推出。
話說有人喺Twitter建議馬斯克考慮設計一款智能汽車，乘客一上車，架車就識問乘客想去邊。點知馬斯克話，未來嘅Tesla車大部分時間唔使問，就能夠預測出你想去嘅目的地。
有人估，係AI假設你朝早七點鐘上車，自然係返工，於是送你返公司！馬斯克認同，仲答話：「唔使好似福爾摩斯咁嘅」。
Tesla預計今年底前自動駕駛系統更新到HW 2.5，外界估計新功能可以將架車提升到美國國家公路交通安全管理局Level 5自動駕駛級別，即是架車「完全唔需要受駕駛者意志所控，可以自行決策」。唔通馬斯克講嘅就係呢樣？
余絲韻