絲絲講場：四叔變身「網中人」

授營商六字真言

「四叔」已經接近九十歲，人生閱歷豐富，睇吓佢嘅成功之道，一定學到嘢嘅。例如佢喺網頁分享營商處事之道，強調要做到六字真言：「止、定、靜、安、慮、得」。

分享珍貴私密照

對於時下年輕人，佢就勉勵必須做到四點：「刻苦耐勞，勤奮勉力」、「經濟未定，不宜早婚」、「要有第一桶金，以錢賺錢」、「男最怕入錯行，女最怕嫁錯郎」。至於點解？自己上網睇睇啦。如果唔想睇文，可以揀睇片，由「四叔」親自讀畀你聽。

除咗文字，「四叔」更大方地分享咗唔少珍貴私密照，例如上世紀四十年代末初到香港，與親戚在淺水灣的合照；又有商界經典「三劍俠」，睇到「四叔」年輕時都好靚仔！

資料咁豐富，個網頁整咗幾耐？聽聞「四叔」喺一年幾前已落Order，想同大家分享經歷，但又唔想攞住本書，上網方便好多，又有手機版，可以畀多啲人睇。講開又講，「四叔」好跟得上潮流，鍾意用iPad，之後有新嘢嘅話，網站都會更新，不妨多多留意，網址係www.leeshaukee.com.hk。

余絲韻