絲絲講場：四叔罕有露面無畀貼士
恒基地產（00012）主席李兆基（四叔）今年鮮有在公開場合露面，尋日終於以主人家身份出席佢有份成立嘅香港培華教育基金會午餐會，兩個兒子同埋「千億新抱」徐子淇都有陪同出席。
旗下基金會惠及逾7萬人
原本絲絲諗住家陣無論樓市以至股市都升到嘭嘭聲，趁機可以搵人稱「亞洲股神」嘅四叔指點一下迷津。點知四叔冇安排到傳媒答問時間，Luncheon完咗後，就喺秘密通道閃咗。
四叔喺午餐會致詞時，用咗十幾分鐘介紹該基金會主要項目，原來喺過去三十五年來基金會一共贊助及舉辦670個教育項目，更累計培訓咗7.4萬人，家陣學員已遍布全球各地，其中不少更已成為高級領導添！
余絲韻