宮藤Adone寓工作於誘人

家陣好多人都寫食評,之不過真係懂得飲食之道嘅有幾多個?識得煮兩味嘅又有幾多個呢?事實上,有好多食評家真係煮得一手好菜式,原因可能係耳濡目染之故。喺日本寫真界有一位美人兒係攝影師出身,後來潛移默化自己做埋水着女郎,佢就係宮藤Adone喇!

靠闊搶鏡

以往模特兒界都興瘦骨嶙峋嘅女模,但係由於太瘦會影響健康,同時瘦唔代表靚嘅道理,故此家陣出現唔少大碼身形嘅模特兒,一來迎合身材屬於大碼嘅客戶群,二來亦可以由佢哋話畀世人知道美麗係來自自信,唔需要拘泥於纖瘦到近乎病態嘅身材。小弟講咁多,其實係想大家改變一下守舊嘅審美觀念,一齊嚟欣賞一下宮藤Adone。大家第一眼見到Adone嘅面孔同身材,可能會諗起一個字,就係「闊」喇!Adone塊面真係闊闊哋,好彩阿妹識得以瑜掩瑕,用烏黑亮麗嘅秀髮遮一遮面珠,再配合埋本身精靈迷人嘅電眼及笑到甜一甜嘅嘴仔,美艷程度依然相當高。阿妹嘅身材帶點粗壯感覺,條腰有25吋,比起好多水着女郎嘅22吋小蠻腰係粗咗少少,但係阿妹上圍唔細,仲有一個38吋巨躉,除咗顯得條腰唔會過分地粗之外,如此彈手又巨型嘅美股成為賣點之一。

多才多藝

宮藤Adone展開水着寫真之路都係近年嘅事,不過其名字早喺2015年被大家所認識,事關當年阿妹參加一個名為「Girls Street 2020」嘅活動,結果Adone喺活動中嘅女作家部門比賽當中獲獎,大家冇睇錯!阿妹除咗有外在美之外,仲相當有內涵,平時最鍾意就係寫作喇!另外,Adone係一位攝影師,不時為媒體拍攝寫真,據聞Adone就係因為拍得模特兒多,從佢哋所擺嘅姿勢加上平時博覽群書,從而對模特兒工作產生興趣,同時亦了解如何用身材誘惑人心,故此出道做水着女優,喺今年6月舉行嘅「小學館Miss視覺Webs」選美比賽中仲贏埋個冠軍添,認真叻女呀!又因為Adone多才多藝,睇得、寫得又影得,故被稱為「女版星野源」,星野源就係日本藝能界一位才藝多多嘅知名男演員喇。

宮藤Adone Profile

身高:5呎4吋

三圍:33-25-38

社交網站

簡介:宮藤Adone自從贏得「小學館Miss視覺Webs」選美比賽冠軍之後,寫真工作密密麻麻,從其Twitter當中就可以知道喇,當然大家亦可以欣賞到好多阿妹拍性感寫真時嘅花絮啦!

網址:https://twitter.com/adone1206

撰文:賢