美國總統特朗普舊年公開批評過聯儲局貨幣政策，令下年任期屆滿嘅聯儲局主席耶倫連任成疑，但特朗普早排接受訪問時改口風，話耶倫絕對有機會連任聯儲局主席！原來特朗普講呢番話前八日，佢位千金伊萬卡同耶倫食早餐，又咁啱得咁蹺嘅？
據耶倫公開日程資料，佢七月十七日喺聯儲局同伊萬卡舉行早餐會議，為時一個鐘，八日後特朗普嘅訪問就出街。有唔開名嘅白宮官員話，伊萬卡因為睇咗耶倫關於女性經濟參與嘅演講內容，所以想搵耶倫傾吓喎。
有傳白宮對下任聯儲局主席最少有六個人選，伊萬卡熱心推動在職女性地位，唔知佢有冇幫口向Daddy推銷耶倫連任呢可？
余絲韻
