絲絲講場：滙豐搞App比賽招攬好橋
想收集好橋可以搞比賽！滙豐搞咗「Safeguard」應用程式設計比賽，廣發英雄帖邀請大專生同初創企業（Startups）參加，勝出者分別最多可得到10萬元及30萬元獎金，仲有機會獲得滙豐嘅種子資金，將構思化成真App！
滙豐香港區行政總裁施穎茵（Diana）話，近年業界同政府日益關注打擊金融罪案，而能夠預防金融罪案嘅方法，就係靠最新最準確嘅客戶資料，但明白有時收集資料會為客戶帶來不便，所以滙豐希望集思廣益，借助參賽者嘅小宇宙，設計出更好更便捷嘅App以收集客戶資料。
余絲韻