理財Campus：專家睇好車股 散戶諗起都驚
吉汽騰訊看俏：華富嘉洛證券期貨投資部副總裁潘彥銘看好吉利汽車（00175）未來五年前景，料股價將飆至25元。吉汽母公司收購瑞典富豪汽車（Volvo），提升了品牌形象及研發技術，客人可以合理價格購入高水準汽車，在內地汽車市場有競爭力。
潘彥銘也看好騰訊，指其不斷拓展業務，如旗下為微信支付及QQ錢包提供技術支援的財付通，搶佔支付市場，市佔率狂飆至逾40%。
量寬仲可怕
散戶陳先生：「金融海嘯時我係炒期權嘅，做淡勁賺，但係點知美國聯儲局居然推出量寬，搞到我勁蝕兩百萬，真係天堂與地獄！我當時梗係好唔開心，『停賽』咗一段時間，不過蝕咗嘅錢真係到今時今日都追唔番。」
狂撈比亞迪
投資書作家龔成：「我○七年走咗大部分貨，走剩一、兩隻質素一般嘅股票，海嘯時蝕咗過十萬元，不過好彩當時理性地止蝕，同時將大部分資金分段撈比亞迪股份（01211），有過百手股份。」