友邦香港及澳門新首席執行官顧培德（Peter Crewe）雖然嚟自英國，但娶咗位香港太太，所以平日食唔少廣東菜。尋日友邦就以中菜宴客，Peter食點心食到唔停口，唔知有冇咩點心係佢唔食嘅呢？
答案係有嘅！Peter話，自己接受唔到食雞腳，仲話查實唔關個醬料事，而係接受唔到雞腳嗰種「質感」（Texture），講講吓仲打咗個冷震，耍埋手擰晒頭！
講起仔仔，向來好錫仔女嘅Peter即刻雞啄唔斷，話自己加入友邦之後，連帶屋企人生活都多姿多釆，唔單止太太做「跟得夫人」，一對仔女都跟住轉過幾次學校（跨國咁轉）。
問到仔女係咪因為咁而精通多種語言，Peter笑言喺太太監督之下，普通話同廣東話絕對冇問題，反而佢自己就真係要進修下廣東話咁話。
余絲韻