有外媒爆料，全球最大社交網站Facebook（Fb）原來在公司內部設立了一個專門跟蹤競爭對手嘅「early bird」（早鳥）警報系統。Fb利用該系統跟蹤流行新科技，若發覺該科技有前景的話，一係將其收歸門下，一係就抄襲佢，從而摧毀競爭對手。
據悉，Fb教主朱克伯格曾喺公司全體員工大會上，暗示員工別因驕傲而唔去抄。講真，目前科技初創公司生存信條是「速度至上」。好似熱門視頻應用程式開發商Houseparty最近就被Fb盯緊，據聞今年秋季，Fb會推出類似Houseparty嘅實時視頻群聊應用程式（App），並已改好內部名稱，叫Bonfire添。
余絲韻