絲絲講場：八達通Chatbot就快開工
唔少金融機構都推出機械人聊天室去幫客戶解難，八達通都推出一個叫Helen嘅聊天機器人（Chatbot），下周一（二十四日）開始解答大家問題。
識廣東話夠貼地
Helen仲非常之「本土」，只係識廣東話，專去解答自動增值服務同埋報失個人八達通方面嘅問題。遲啲佢會學埋英文，引入英文服務添。
睇番銀行界都有唔少類似嘅Chatbot出現，話說滙豐亦有個虛擬客服助手叫Amy，奇難雜症樣樣解得掂，唔想去分行排隊嘅，上官網問問Amy就得，不過暫時只係服務企業客戶，話時話，恒生銀行（00011）之前亦講過下半年會推Chatbot，唔知會唔會又係囡囡呢？
余絲韻