絲絲講場:雷霆做善事好跑得!

樓神賣樓跑數叻就係人都知,跑樓梯原來都相當耍家。新鴻基地產(00016)副董事總經理雷霆一直積極參與慈善活動,每年均親身支持公司主辦嘅垂直跑做善事。咪睇平時雷樓神成日都西裝骨骨好斯文,其實佢跑樓梯成績比好多後生仔仲好。

雷霆尋日出席新盤記者會時,順便幫今年垂直跑賣廣告,仲即場邀請在場傳媒參與,佢又透露,今年會一如以往參與垂直跑,但就冇話要打破自己紀錄,希望喺約30分鐘內完成,即係同以往保持咁上下。

由新地主辦的垂直跑今年已經踏入第六屆,會喺全港最高建築物環球貿易廣場攀登2,120級樓梯。

余絲韻