真係想唔撈？遞信之前，唔該答到呢6條問題先。
要衡量應否辭職，可以攞張紙，詳列現職嘅壞處與好處。人工太低？工時過長？還是與上司溝通唔到？再列出份工你其實都有Like嘅地方。然後作對比，審視「壞處」能否喺現有工作中改善，若係無法改善，就用個List作為搵下份工嘅參考。
每日做埋啲同樣嘅嘢，悶爆？想接受新挑戰，未必一定要走，大可嘗試與上司溝通，睇睇能否安排你想做嘅工作範疇。有時，做生不如做熟。
遞信後通常都有一個月通知期，若已有新工在手，大可安心等返新工；若未有，呢個月就要好好制訂搵工大計，記得要為自己設期限，見唔對路就要調整搵工要求。
除咗搵中介公司外，仲可以列出晒你認為幫你嘅人，向佢哋放風。係時候與Friend多啲見面！
咩工你感興趣？咩公司有可能會請自己呢類背景嘅人？如果有朋友做緊嗰行或嗰瓣，可以向對方打聽，問問佢點得到呢個Offer。
雖然去意已決，但一日未走，你仲收緊人家嘅人工。一定要「好來好去」，留個好印象，所謂「山水有相逢」，萬勿放軟手腳累街坊。
余絲韻