股價低過派息 大戶爭撈底

即日鮮炒家速賺逾倍

與此同時，個別主板上市細價股市值跌至不足3,000萬元，遠低於現時主板殼價，同樣成為券商及基金經理「撈底」目標。

國農證券董事總經理林家亨表示，昨冒險低撈雋泰控股（00630）成功獲利。「雋泰最多跌咗超過九成，市值縮至唔夠8,000萬元，依家主板殼價都6.5億元啦！」他以每股0.054元買入一百多萬股，之後反彈至0.135元獲利沽貨，賺幅超過一倍，但說「最衰早走咗，雋泰最多曾反彈上0.2元水平，最後賺10萬元都唔夠。」

他又呻「走寶」，「由於朝早要去驗身，中午又要去新股推介，結果只係求其落盤，就連首都創投（02324）曾經跌至1仙淨沽都唔知。」

殘過殼價 大鱷掃貨

有對沖基金經理表示，現時主板殼價最少5億至6億元，加上監管機構正諮詢收緊上市門檻，現時殼價只會有升無跌，昨日不少細價股市值暴跌至僅餘數千萬元，值博率甚高，所以昨日只要是大跌九成的主板細價股，自己都一概掃入。

事實上，合一投資（00913）及首都創投，市值曾低見2,979萬元及2,754萬元，惟資金紛紛撈底下，前者由最多挫85.05%，縮至僅跌37.38%，後者則由挫94.62%，縮至跌60.75%。