北水頭等倉：科網股起動IGG啱中線

昨日一眾手遊及科網股係威係勢，科通芯城（00400）、IGG（00799）、雲遊控股（00484）、騰訊控股（00700）升幅介乎2至4%不等，投資者不妨從中尋寶。

科通可受惠騰訊強勢

基本面方面，近期內地經濟增長雖然放緩，但線上線下業務已成企業「必需品」，新經濟增長勢頭未變，加上大數據潛力待顯，其中騰訊更是基金大戶與散戶們倉內瑰寶，板塊自然有氣有力。

科通芯城早前雖然被沽空機構狙擊，但所謂跌得深時彈得高，以其被狙擊前股價即10元樓上與早前低位4.29元計，昨日收市價4.83元，只反彈跌幅約一成左右，未來若得騰訊帶起板塊氣氛，就算彈多兩成，現價追入仍有數圍，只要嚴守4.29元止蝕位即可。

此外，投資者若認為科通投機味太濃，亦可選擇基本因素不俗的IGG，集團去年多賺75%，業績表現理想，現價市盈率28倍，估值唔算太貴之餘，此股勝在成交穩定，昨日成交就有2.3億元，股價近日於10至12.8元水平上落，不妨逢低吸納睇中線。

司慕渢