絲絲講場：羅老太憶述昔日子女情

鷹君羅氏家族爭產風波由五月初開展至今，風眼中的主角羅杜莉君（羅老太）曾被部分兒子形容為受擺布、不知道狀告滙豐信託的詳情，甚至有傳被隔離，不知去向。

羅康瑞有份食手包糉

不過，絲絲在酒店餐廳巧遇羅老太，她更願意開腔暢談離家後住酒店的生活。雖然年屆九十七歲的她表示正在打官司，但是仍然惦念家中所有子女，更寄語：「金錢與權力嘅價值，在於做好事，如果唔係，終會害人害己」。

早前，羅家多名兒子均表示無法與羅老太聯絡，不過羅老太則稱，今年端午節密密手包糉，連與母親失聯一個月的四子羅康瑞，也分得四隻糉子帶回家。原來羅老太在少女時代已離開潮州老家到暹羅（泰國），家鄉潮州糉的包法是全靠自學得來。

「我個人好得意，逢世界有乜嘢我都要知，我都要學，我包糉就係嚟香港先學」。羅老太更大爆目前看似對立的羅康瑞和孻仔羅啟瑞，原來吃糉都愛吃花生餡。

羅氏家族人才輩出，看似與羅康瑞站在同一立場的三子羅嘉瑞和五子羅鷹瑞都是醫生。問到如何教子女，羅老太直言：「我一生心血都放晒喺仔女度。」年輕時學駕車接送返放學，更經常超載。「載佢哋成班一車滿晒，嗰陣時政府冇限制，坐到滿晒，六個仔讀聖約瑟，而個女就讀聖保羅，有時仲載埋朋友，嗰時冇（警察）捉嘛。」

言談間，羅老太秀了幾句英文，原來她年輕時有學英文，目的是為了與子女拉近距離，「嗰陣生到阿芝（羅鷹瑞的乳名），個細路哥出世我就去讀英文，因為我見到啲仔個個都讀英文，我唔識英文點得，咁咪去讀囉。」

酒店環境勝家族大宅

問到身體狀況，羅老太表示，由於早前跌倒受傷，不能走動，要靠輪椅出入，「因為冇郁，唔消化，變到一食嘢落去就脹，一脹個肚唔舒服。」體重更下降一點。

然而羅老太暫時仍未有打算搬回家住，「鍾意就返去囉」，又指酒店環境更勝家族大宅：「因為呢度通爽嘛，我屋企冇咁通爽，因為嗰度，嗰間屋，喺樹陰範圍，冇咁通爽。呢度望落去個景靚，個心好舒服。」

由於有官司在身，對於狀告滙豐信託的事情，她一概不能作出評論，但寄語：「金錢與權力嘅價值，在於做好事，如果唔係，終會害人害己」。

余絲韻