絲絲講場：孫正義千億美金追夢

沙特主權基金參資

佢早排仲發起成立Vision Fund（願景基金），連沙特主權基金等都有參資，有成1,000億美元（約7,800億港元）任佢舞，夠晒佢實現童年夢想有凸，改寫全球高科技版圖都得！

不過有人好擔心，咁大筆錢，若一下子掟入去某一瓣，好似AI（人工智能）或無人駕駛車，會勁谷高估值，引到人人出嚟搞，反而更難搵食。分分鐘谷出個泡來，就好似二○○○年科網股爆煲前夕，就係同樣有大量銀紙湧入去咁……不過孫正義就話，依家係「真正嘅淘金熱啟幕，係一世人一次嘅機遇」喎！

確實，Tech有金執，Apple請個Intern（實習生）計落月薪都有5萬蚊港紙。想去掘金？答到隔籬呢10條Apple面試題先至講。

余絲韻