古有管寧與華歆「割席絕交」，理由係華歆見錢開眼，唔值得做朋友。今時今日，連遠在美國都有億元企業CEO兼KOL（Key Opinion Leader）話「想成功就要先撇低身邊啲Loser Friends」！
呢位仁兄叫Gary Vaynerchuk，被標榜為「Web 2.0嘅傳奇人物」，早期透過寫Blog、拍片將家族葡萄酒經銷生意做得有聲有色；後期轉型做KOL，經營社交媒體VaynerMedia，教人及幫人網絡上銷售推廣，佢嘅個人Twitter帳戶有成147萬個Follower！
Vaynerchuk早排曾經發表個人見解，話「你需要擺脫或者減少與廢柴朋友相處」。
佢又話「如果你與廢柴朋友相處80日後，轉而與公司最積極嘅人共處一日，包你感受截然不同。」
其實「朋友會影響你成功」呢種講法，唔單只Vaynerchuk咁講，美國企業家兼作家Jim Rohn亦講過「你最常相處嘅5個人係點，你就係點嘅人。」即係講緊「你的朋友如何，你的日子也必如何。」
另外，《富人是怎麼想的》（How Rich People Think）的作者Steve Siebold亦都曾經話過，「挖掘比自己成功嘅人，有助拓展思想界限及增加收入」，佢又話過成功人士總係會互相吸引。
即係點？勸你快啲睇睇同你最Friend嗰7至10個係乜人！
余絲韻