琪招制勝：港股彈升實外強中乾

然而，最近格局是港股一直維持在下降軌，周一法國第一輪大選後港股曾經因為A股由大升至倒跌，令更多人睇淡、加熊。不過，昨日一挾，又令許多人措手不及。

昨日挾倉，指數升穿下降軌，的確令人懷疑是否應該「轉view」睇好。不過，細心觀察，個股表現其實並不強勢，中型股只係升「一兩隻」，有外強中乾之感。

投資最緊要錯而能改

然而，既然大戶如此落力挾指數，不排除四月期指結算之前會繼續頂住指數於高位，但之後能否維持，筆者繼續睇淡，而且暫時未搵到理由說服自己為何指數可以企穩24,500點。

做股票投資時間夠長的話，一定會愈來愈了解自己，因為投資股票過程就是不斷作自我反射，每日都會經過「自我確定」以及「自我否定」。

睇好一隻股票，但股價下跌，如果輕易改變看法，就容易被「chok走」；若股價持續下跌，「自我否定」就變成一種保護機制，兩者之間取平衡，是一種藝術。

股票投資中，輸得最慘就是不認輸、不止損，不願意承認自己睇錯的人永遠做不到長勝的基金經理。因為基金經理的工作就是不斷認錯、不斷修正，從而找出最佳策略。

投資環境每日瞬息萬變，前輩教我做股票投資一定要保持柔韌及謙卑的心，學習新事物、適應新環境，不斷變，才能做到「動態取平衡」。

阿仕特朗資本管理投資經理　劉明琪（作者為註冊持牌人士）