孖妹Ｓ檔案：A股等入摩 搶先炒邊瓣？

市值勁 股息高 揀得過

李：英大證券研究所所長 李大霄

彩兒：A股連續三年衝擊MSCI都埋門撻Q，入唔到MSCI新興市場指數，歸根究柢都係未過到國際投資者嗰關！MSCI明晟舊年問過市場意見，發覺仲有三樣問題要改，先可開綠燈，包括合格境外機構投資者（QFII）每月贖回額度、大面積股票停牌、中國交易所對涉及A股的金融產品進行預先審批嘅限制，好彩佢又肯改，最近似乎唔係只聞樓梯響。

李：係啊彩兒！內地超過五成嘅芬佬都好期待A股被納入MSCI新興市場指數o架，今年推出縮水版嘅入摩方案，新方案將可能納入的A股觀察名單由四百幾隻減至169隻、從合格境外機構投資者（QFII）及合格境內機構投資者（QDII）改為滬港通及深港通相關標的嘅機會較大，預計有部分投資者會預先入市。

當A股進入MSCI後，市場憧憬大量被動型基金會「照單」買入A股，到時A股藍籌股嘅需求會急增，長期投資嘅資金性質就會改變，取代短線投資嘅情況，市場會逐漸更重視價值投資同埋理性投資。

市況料震盪中偏強

Kitty：我知道你實有心水股嘅，咪靜靜雞收收埋埋喎，有好嘢梗係要開心「些牙」啦，獨食難肥，你懂的……嘻嘻！

李：我會比較注視同關注A股當中較大型嘅藍籌股、喺上證50指數、滬深300指數、市值排喺前列、估值低、股息率高嘅股份。綜觀中港兩地市場去揀，我會首選恒生國企指數、第二係上證50指數、第三係滬深300指數，喺A股之中，首選銀行、非銀行金融、內房、基建、消費，緊記要揀低估值嘅藍籌股，以行業龍頭為主。

彩兒：A股第一季嘅走勢牛皮待變，唔少股友今季等緊佢還以顏色，幾時先有番啲鑊氣嚟睇吓？我哋都就畀A股悶到瞓着覺！

李：A股第二季同埋下半年走勢會以偏強為主，因為內地經濟非常有可能企穩，上市公司盈利亦會回升，一到二月份規模以上企業利潤增長超過三成一，養老金會睇到投資機會入市，MSCI亦會討論A股進入MSCI與否，顧及今次縮水版成功推出嘅機會好大，我預計下半年長期資金入市會加快，所以第二季度及下半年市況會係震盪、偏強。

現時入場 成本略高

李：講到入貨時間點，最好梗係喺鑽石底2,132點買啦，哈哈！

Kitty：嘩，李總，唔好玩我哋啦，二○一二年我哋都未可以直接買到A股啦，當時我可能連乜叫做鑽石底都唔識囉。

李：咁其次嘅兩次最佳買貨時機係滬綜指2,638點嬰兒底，同埋3,100點幼兒底，現行市況近3,300點亦可買貨，但買入成本略嫌高咗啲，所以揀股要精挑細選喇，知嗎？

彩兒：姊妹們收到未？

散戶冷淡 未刻意部署

高：A股職業投資者兼投資Blogger 老高悟道（老高係北京人，以下對話以普通話進行）

Kitty：你的網誌有超過12萬名粉絲，又縱橫股壇多年，一定可以耳聽八方，知道很多股市消息吧？最近A股入摩的消息挺火熱？

高：A股說要進入MSCI都說了幾年了，其實我們沒有那麼關注了，何況我也不懂MSCI指數呢！我覺得縮小版的入摩方案實際上對A股的影響不大，但有助於A股長期接軌國際。我沒聽到有朋友要因應A股進入MSCI而做相關部署，我自己也不會做啊！

狂煲低估值成長股

彩兒：你們一定是只顧短炒吧？呵呵……

高：不是啊，還是按照自己的投資策略好一點，不會因為其他因素改變，我的主力是低估值的成長股（高增長股），條件是估值低、未來三年的累計增長不可低於50%，平日會在定期報告及業績報告中選股。

勢創多贏 有利國際化

楊：前海開源基金首席經濟學家 楊德龍（以下對話又係以普通話進行，好彩孖妹啲煲冬瓜有Train開啫。）

Kitty：摩根士丹利檢討A股入摩將在六月有結果，因應入摩機會大增，雖入摩規模縮減，大家仍雀躍。

楊：我留意到從事內地基金的朋友，對A股納入MSCI比較期待，也是我們茶餘飯後話題，因為是對A股影響重大的事件嘛。這次傳言是說可能利用縮小版方案納入MSCI，針對先將滬港通及深港通股份納入計劃，雖只是縮小版，但長遠加入的股份會逐漸增加，對A股有利好作用。

A股納入MSCI，會有大量被動型買盤，對提高投資者信心是有很大幫助，投資者亦有可能會提早買入相關指數成分股作部署，所以對成分股有利好作用，這也是國際化的一部分，有利提高A股的國際地位，同時提高A股投資者信心，從而帶動A股市場走勢上漲。

滬深港通股份必睇

彩兒：甚麼股份看得最牛？我們要牛氣沖天的股份喔。

楊：從估值上來看，恒生指數及滬深300指數市盈率未到15倍，與道指的25倍市盈率比較屬非常便宜，所以今年首季港股出現大幅反彈，恒指企穩24,000點以上，可是，A股主因外資流入途徑有限，加上受到內地因素影響比較大，投資者結構又以散戶為主，所以A股的反應相對滯後。

我最看好的股份是A股的藍籌股，特別是滬港通及深港通名單的股份，更有直接利好的作用。投資者可直接配置滬深300指數基金或成分股。事實上，A股一旦要漲起來，速度可以很快，你看看雄安新區規劃出台，起到提振市場信心的作用，進一步給A股後市上漲帶來機會。此外，早前我重點推薦的水泥、軍工、一帶一路等板塊，在今年也會有比較好的投資機會。

滬綜月內或闖3300

Kitty：內地股友尤其愛中小盤股份，難道會轉死性？

楊：「習特會」對於改善中美關係，改善投資者的預期，是非常有利的。這也有利於提高全球投資者對於中國經濟的信心，以及對A股市場的信心。現市傳今年六月份A股可能有縮小版的方案加入到MSCI指數，如果兌現的話，對於A股今年的表現來說，又會添一把火。

A股有望展開一波反彈行情，滬綜指數有望在四月份挑戰前期反彈的高點3,300點。A股慢牛走勢已經形成，後市仍然是以藍籌股主導的反彈為主。對四月份的A股，你們要有足夠的信心啊！

彩兒、Kitty

若有料報畀彩兒同Kitty或有嘢問，可電郵money.biz@on.cc