到底美股係咪太高？這個問題幾乎同「中學生應否談戀愛」一樣，講一世都講唔完，講一世都無答案。今日，我又打算拎美股嚟講喇，因為聯儲局周四凌晨公布了最新的議息會議紀錄，當中提到大部分委員都認為於今年內「縮表」最恰當不過。到底咩係「縮表」？佢有咩威力令本來升緊的道指倒跌收場？
話說好耐好耐之前，聯儲局從商業銀行買走國債並釋出資金，資金就用來畀銀行房貸，激活商業同個人投資，有部分就要來炒股。
雖然美國聯儲局近年已經再無額外買嘢，但市場上面的水分一直都無減少，係因為手持的國債到期了，聯儲局唔攞番錢卻反而再投資，讓錢繼續停留於市場裏面，但將來就不同了！
一旦聯儲局一縮，國債就回流到銀行，資金就要歸還聯儲局。水分減少對市場有幾大影響？咁要視乎個別銀行的存貸水平夠唔夠健康。假如有銀行要call loan，債仔們又會從市場上哪個關節撤走資金呢？你估會唔會係美股嗱？仲有，你嘗試睇一睇新聞，歐洲央行同日本央行，不是未試過釋放積極考慮停止以買債來向市場放水的信號，假如幾家主要央行一齊「縮」的話，股市又會點呢？
富昌金融研究部總監 譚朗蔚（作者為註冊持牌人士）