絲絲講場：滙豐10個稱謂各有特性
平日填銀行戶口個人資料，一到稱謂（Title）呢欄，絲絲就多咗嘢諗，應該填Mrs、Miss定Ms好？（Well, it's complicated）咪以為男士齋填Mr容易啲，若係非一般男士亦一樣會有填寫障礙。
滙豐英國順應性別多元化嘅趨勢，上個禮拜加多咗10項稱謂選擇畀當地客戶揀嚟填，會應用於銀行卡及聯絡通訊上。
其實蘇格蘭皇家銀行早幾年喺當地已經可以畀客戶選擇用Mx稱謂，聽聞巴克萊銀行嚟緊亦都有類似打算。
話時話，多啲嘢揀，就多啲嘢諗，會否煩惱再多啲？畀着係你，又會選擇點樣稱呼自己呢？
余絲韻