新世代供略：女生寧捱貴買市區樓

笑容甜美的Jasmine家住何文田公屋，她指，「何文田其實好好住又夠靜。但屋企離港鐵站好遠，所以出入唔覺特別方便。」雖然港鐵何文田站及黃埔站已於去年通車，但她稱，「依家仍好似以前咁搭巴士，但多咗個交通工具選擇都係件好事。」

Jasmine另稱，「住市區就算唔搭港鐵，出入其他地方都好方便。所以寧願畀貴啲都想揀番市區樓，當然都要睇將來畀首期嘅能力先作進一步打算。其實住附近區啲舊樓都唔錯，環境夠寧靜，單位間隔又實用。」

何文田屬傳統住宅區，私人屋苑林立，即使樓齡舊的物業亦十分矜貴。若Jasmine想用有限Budget置業，可考慮鄰區紅磡一些樓齡較舊的私人屋苑。坐落馬頭圍道的隆基大樓，樓齡逾四十年，外牆保養一般，惟樓價相宜，適合上車客。

Jasmine稱，將來置業仍想住市區，不過需視乎負擔能力。	屋苑距離港鐵黃埔站僅十分鐘步程。	鄰近的黃埔新天地，住戶購物方便。

主打兩房 實用率80%

隆基大樓由四座物業組成，提供僅379個單位，主打兩房戶型。屋苑屬舊式建築，不設窗台位，一般實用率高達八成，兩房戶實用面積均有300餘方呎，地方尚算闊落，容易擺位。不過，屋苑背靠行車天橋，加上身處群樓及工廈之間，沒有優質景觀可言。

紅磡市政大廈內有體育館、街市及食肆。	隆基大樓買賣成交	每月供款例子

屋苑環境靜中帶旺，毗鄰家維邨及紅磡邨。附近有市政大廈，內設街市、體育館及食肆，生活補給齊全。步行約十分鐘可達黃埔新天地、港鐵何文田站及黃埔站，出入方便，啱晒Jasmine心水。

交投穩定 僅3放盤

迎富地產林穗華表示，隆基大樓每月二手交投算穩定，平均每月會有一至兩宗，市場上約有兩至三個買賣放盤，其中兩房交吉戶叫價約400萬元，屬市價水平。