對沖國度：衍生工具做咗窮人恩物

依然行動，一早有了計劃就無謂臨陣退縮，何況反過來看近期是引到人沽，爆冷再次向上的話動力可以很澎湃，也算是頗有值博率。

自己估計市況有部分是提前受到恒指成分股轉換所影響，雖然正路可能要捱到星期五，但特朗普講話可以提早成為突圍催化劑，既然價位在靜市中受壓，便不能太計較。

由於期權金繼續低，戰術不變，一樣是以大股衍生工具作箭頭，貨底則坐正股，希望一兩日內應該已經見真章，不用等到星期五，愈早決勝負，期權金消耗就愈少，回報會比較好。

買定離手 博錯就走

萬一今次失手，港股會是雙頂形態，又一次確認潛質十分有限，之後就要改變策略，將好倉慢慢搬多一點到海外，所以算是自己給港股最後一個短期機會。

衍生工具市場成熟，精明投機者多數以輸有限的模式去四両撥千斤。由於市況長期偏靜，衍生工具的槓桿於是愈來愈高，少少錢已足夠賭餐飽。

這些限制損失的窮人恩物，令到市場大部分時間升跌都會好慢。有心水偶爾集中火力博一鋪其實會好好用，大忌只是前仆後繼不斷補。自己又一次買定離手，博錯的話就會暫停。

豐盛金融資產管理董事　黃國英（作者為註冊持牌人士）