唔單止蓋茨，軟銀創辦人孫正義呢兩日亦都講AI（人工智能），佢話AI三十年內會超越人腦，超級機械人嘅數量仲會多過人類添。
孫正義周一喺流動通訊世界大會上講到，預計三十年內會有超過一萬億件物件連接互聯網。
孫正義話，「所以我先咁着急集資現金去投資（呢瓣）！」咁又係，投資嚟講，三十年轉眼就過，確係會驚趕唔切，唔夠快輸咗先機亦唔好。
咁孫正義間軟銀近排睇中咗啲乜？包括同沙特主權基金夾份搞咗個一千億美元嘅科技投資基金、320億美元買咗間英國晶片設計公司ARM Holdings、同用33億美元買咗美國資產管理公司Fortress投資集團咁啦。
余絲韻