絲絲講場：金管種蘿蔔講解風險？
到底種蘿蔔同管理外匯基金有咩關係呢？「金管局資訊中心」話你知！可以免費觀賞270度維港景嘅金管局資訊中心翻新完個展區，新增電子展板同遊戲，其中有個Game就以種花同紅蘿蔔，比喻高風險同低風險嘅投資，連小朋友玩完，都會了解到投資環境好似天氣咁，變幻莫測。
銀仔砌畫夠層次
展區內最佳「打卡位」係一幅三米乘三米、用超過13萬個硬幣砌成嘅維港景色作品，硬幣有一毫至十蚊銀，有新有舊，部分銅化成綠色，加上有啲景物嘅厚度有十六個硬幣之多，令呢幅名為「零錢唱」嘅馬賽克作品，層次感十足。
金管局資訊中心喺邊？就係喺中環IFC（國際金融中心）二期55樓。
余絲韻