港股上周係威係勢，恒指衝穿24,000點關，上周五回吐，但大市成交縮減，反映獲利沽壓不太大，是大漲小回格局，料季內仍有望反覆向上挑戰24,700至24,800點水平，別太早清倉。
內地股指期貨上周五有限度鬆綁，衍生工具市場逐步正常化，大戶有對沖風險的途徑，可以預期在期貨市場恢復有序擴容之下，A股現貨市場交投亦會受帶動，內地期貨及券商股可以受惠。
不過，與其買期貨股，筆者認為買龍頭券商股更有保障，中信證券（06030）及海通證券（06837）都係正路之選。當然若睇好港股後市，港交所（00388）係首選股份。
港股升咗兩千幾點，大市嚟緊能唔能夠再上，要睇藍籌業績股消息，個股滙豐控股（00005）、內銀、券商、騰訊（00700）都已相繼發力，下一個焦點重磅股應該係中國移動（00941）。
在數據流量及數據中心收入增長的帶動下，今年中移業績展望穩定，至於能刺激估值上調的因素，包括北水湧港吸納大晒士知名品牌股、三大電訊股合組的鐵塔公司落實上市、與互聯網巨企落實合作等等。總之，視中移為平淡穩陣的藍籌股又得，視為藍籌的「明日之升」亦得。
上周五中移失守100日線，若短線回落至85元樓下，不妨考慮人棄我取，中線屬進可攻退可守之選。
司慕渢